Kua whiwhi ngā taraiwa forklift e piki haere ana i konei i tētahi huarahi haumaru ki te whai wāhi me te whakamahi i tētahi tauira mooni mariko.
Neke atu i te 95% o ngā tauira kore mahi o te kaupapa whakangungu o Te Matau-a-Māui e whakamahi ana i te hangarau mooni mariko (VR) hou kua whiwhi mahi tuturu.
Nā Te Ara Mahi o te Provincial Growth Fund i tuku te kaupapa Whiti-Supply Chain Cadetship i hangaia e IMPAC Health & Safety NZ, ā, e whakaako ana i ngā mahi forklift mā te whakamahi i ngā whakatauira VR me ngā forklift me ngā āhuatanga mahi tūturu.
E matapaetia ana ka puta ngā ākonga tekau mā rua i whai i te akoranga rangitahi i Tūranganui-a-Kiwa i tēnei wiki, ā, ka whiwhi mahi utu.
I mea te kaiwhakahaere kaupapa o Whiti, a Andrew Stone, he hunga mahi, he hunga whiwhi moni tēnei rōpū tāngata, me tono rātou mō te akoranga me te puta i ngā wāhanga kōwhiringa e rua.
"Ko te āhua o te whakangungu VR ko te tikanga ka rite te taumata o te pūkenga hangarau o ngā ākonga e whakaoti ana i te akoranga e rua wiki te roa ki tētahi kua taraiwa i tētahi forklift mō te tau kotahi neke atu rānei."
"Ko ngā tohu mātauranga i whiwhihia i roto i te kaupapa ko te tiwhikete forklift VR, te tiwhikete kaiwhakahaere forklift o Aotearoa, me ngā paerewa mō te hauora me te haumaru i te wāhi mahi."
Wā tuku: 23 o Ākuhata-2021
